هه‌واڵ
١٢ تاوانبار بۆ کەناڵەکانی راگەیاندن ئاشکرا کران
11/11/2015
ئەمرۆ رێکەوتی ٢٠١٥/١١/١١، کاتژمێر (١١)ی بەیانی، بەرێز لیوای ماف (عبدالخالق تەلعەت)، بەرێوەبەری پۆلیسی ھەولێر، لە پرێس کۆنفرانسێکدا، بە ئامادەبوونی چەندین کەناڵی راگەیاندن، وردەکاری ئەنجامدانی چەند تاوانێکی بۆ کەناڵەکانی راگەیاندن خستەروو. تاوانەکانیش لە (٦) تاوانی جۆراوجۆر پێکھاتبوون کە لەلایەن (١٢) تاوانبارەوە، بەم شێوانەی خوارەوە، ئەنجامدرابوون: ١- دوای ئەوەی (٢٠١٥/٨/٢٥)، پێشمەرگەیەکی زێرەڤانی ون دەبێت، دواتر لە (٢٠١٥/٨/٣٠)، پۆلیسی شاوێس لێکۆڵینەوەیەکی ورد دەست پێدەکات و لەئاکامدا ناسنامەی تاوانباران ئاشکرا دەکات و دواتر دەستگیریان دەکات، تاوانبار خێزانی پێشمەرگەکە بووە که‌ لەگەڵ مێردە کۆنەکەی، ھەڵساون بەکوشتن و خنکاندنی پێشمەرگە زێرەڤانییەکە. تاوانباران (ع.م.ر)، تەمەن (٣٤) ساڵ، پیشە پێشمەرگە (م.س.ح)، خێزانی کوژراوەکه‌، تەمەن (٣٤) ساڵ، پیشە ژنی ماڵەوە ئێستاش تاوانباران بەندن بە پێآ مادە (٤٠٦) لە یاسای سزادان. ٢- تاوانبار (ا.ع.ا)، تەمەن (١٩) ساڵ، پیشە کاسب تاوانبار (ش.ب.ع)، تەمەن (٢٨) ساڵ، پیشە کاسب تاوانبار (ز.ر.خ)، تەمەن (٢٨) ساڵ، پیشە پۆلیس ئەم سێ تاوانبارە ھەڵساون بە دزینی قاسە لە عەنکاوە، ئێستاش ھەر سێ تاوانبار بەندن بەپێی ماددە (٤٤٦) لە یاسای سزادان. ٣- تاوانبار (ک.ع.پ)، تەمەن (٣١) ساڵ ئەم تاوانبارە ھەڵساوە بە دزینی (٣) ئۆتۆمبێل لە چەند گەڕەکێکی شاری ھەولێر ئێستاش تاوانبار بەندە بەپێی ماددە (٤٤٢) لە یاسای سزادان. ٤- تاوانبار (ف.ع.ع)، تەمەن (١٥) ساڵ، بەرەگەز سووری تاوانبار (ع.ع.ب)، تەمەن (١٥) ساڵ، بەرەگەز سووری تاوانبار (م.ع.ر)، تەمەن (١٦) ساڵ، بەرەگەز سووری ئەم سێ تاوانبارە ھەڵساون بە دزینی ماتۆرێک و بڕی دووسەدھەزار دیناری عێراقی لە شارۆچکەی کەسنەزان ئێستاش ھەر سێ تاوانبار بەندن بەپێی ماددە (٤٤٦) لە یاسای سزادان. ٥- تاوانبار (م.م.س)، تەمەن (٢١) ساڵ، پیشە کاسب ئەم تاوانبارە ھەڵساوە بە ئەنجامدانی (١٥) تاوانی دزی کە بریتی بوونە لە پارە و مۆبایل لە چەند گەرەکێکی شاری ھەولێر. ئێستاش تاوانبار بەندە بەپێی ماددە (٤٤٦) لە یاسای سزادان. ٦- تاوانبار (ک.م.ر)، تەمەن (٢١) ساڵ، پیشە کاسب تاوانبار (ش.ح.ح)، تەمەن (٢٨) ساڵ، پیشە کاسب ئەم دوو تاوانبارە ھەڵساون بە ئەنجامدانی چەند دزییەک کە بریتی بوونە لە پارە و ماتۆر و پاکێت. ئێستاش تاوانباران بەندن بە پێی مادە (٤٤٣) لە یاسای سزادان.
هه‌واڵی زیاتر ...
  سه‌ره‌کی             هه‌واڵ             وێنه             ڤیدیۆ             ده‌رباره             په‌یوه‌ندی             ئه‌رشیف             به‌ڕێوه‌به‌رایه‌تیه‌کان