هه‌واڵ
دزێكی بە ڕەگەز سووری دەستگیر كرا
15/09/2019
دوای ڕوودانی (۱۷) تاوانی دزی لە ماوەی كەمتر لە مانگێكدا لە پاڕكینگەكانی (پاڕك ڤیو ـ ئەمپایەر ـ پاركی شەهید سامی عەبدولڕەحمان)، پۆلیس بە هەماهەنگی لەگەڵ (ئاسایشی هەولێرـ هۆبەی لێكۆڵینەوە) توانی تۆمەتبارێكی بە ڕەگەز سووری دەستگیر بكات.

لەمبارەیەوە بەڕێز (مقەدەمی ماف/ئومێد عارەب) بەرپرسی نووسینگەی نەهێشتنی تاوانی باكوور، بە هەولێر پۆلیسی ڕاگەیاند، ئاگادار كراینەوە بە بوونی (۱۷) تاوانی دزیكردن لە سنووری بنكەكەمان كە لە ماوەی كەمتر لە مانگێكدا روویان دابوو، ئێمەش دەستبەجێ دۆسیەی لكۆڵینەوەمان بۆ ئەم ڕووداوە كردەوە و بە یارمەتیی (ئاسایشی هەولێر - هۆبەی لێكۆڵینەوە) توانرا تۆمەتبارێك دەستگیر بكرێت و دواتر ڕادەستی ئێمە كرایەوە.

مقەدەم ئومێد گوتیشی، تۆمەتبار بە ناوی (ح.م.ك) تەمەن (۳۱) ساڵ، بە ڕەگەز سووری، دانی نا بە تاوانەكەیدا كەوا هەڵسابوو بە شكاندنی جامی چەندین ئۆتۆمبێل و دزینی بڕێكی زۆر پارە و كەلوپەلی نێو ئۆتۆمبێلەكان، كە بڕەكەی بە نزیكەی (٤۰٫۰۰۰$) چل هەزار دۆلاری ئەمەریكی دەخەمڵێنرێت لە پاڕكینگەكانی (پاڕك ڤیو- ئەمپایەر ـ پاڕكی شەهید سامی عەبدولڕەحمان).

بەرپرسی نووسینگەی نەهێشتنی تاوانی باكوور روونیشی كردەوە، پەڕاوی لێكۆڵینەوە بۆ ئەم ڕووداوە كرایەوە و ڕەوانەی بەردەم بەڕێز دادوەری لێكۆڵینەوە كرا، بەڕێزیشیان بڕیاری دا بە بەندكردنی تۆمەتبار بە ماددە (٤٤٦) لە (ی.س.ع).

هه‌واڵی زیاتر ...
  سه‌ره‌کی             هه‌واڵ             وێنه             ڤیدیۆ             ده‌رباره             په‌یوه‌ندی             ئه‌رشیف             به‌ڕێوه‌به‌رایه‌تیه‌کان